الشاعر المصري /احمد ابراهيم ******* ** فى قصيدة ( صرخة برئ )

 

  

بصرخ يا أمي والصراخ عالي

جواية جرح وألم بين السنين مالي

صهيونى ابن الكلب عليّا متعالي

يصرخ فى وجهي يقول

مجرم وانا حالي

يصعب عليه الحجر

لو قال فى يوم مالي

قلبي الجريح انتفض

والليل سواد مالي

صرخة برئ ف الفضا

ومين وقال مالي

انا عود ولسه صغيّر

مقفول امل بابي

بصرخ بصوت اليأس

وف جرحي موالي

ولا كنت يوم يا عرب

كنت فى يوم غالي

دمعه بتنزل ع الخدود

مكسية وبناري

اه يا عرب واهين

فين الضمير غايب

جواية حلم برئ

وحلمي انا شايب

تاه الطريق يا ضمير

بين العرب شارد

مسجون فى ايدي حديد

رغم الاهات صامد

يا امي لا تبكى رب العباد واحد

الله يا الله ليك شكري انا الحامد

وحدى انا وبكيت وبالبكي عالم

يا ساكن الزنازين سجن الوطن واحد

مخنوق بيعلى السور وهمنا واحد

حالكم وده حالي

صرخة برئ وحريق

فى طريق وبيعلي موالي

اه يا عرب اه يا عرب اه يا عرب

ولا قولتو يوم مالي