يا بحر عيونك ....بقلمي ابتسام عوض حسن

يا بحر عيونك 
وحشاني
نفسي تاخدني
ونبدأ من تاني
يا بحر بحبك من 
بدري
واللي يشوفك
يسمح عذري
ولا يقدر يقول
إنساني
أنا كل ما أشوفك
قلبي بيفرح
وزرعي بيطرح
سنابل حب
ليوم تاني
يا بحر وكلك
حنية
نفسي أقرب
بس شويه
وأنسى حزني
واحزاني
يا بحر بحبك
وبندهلك
وسنيني في بعدك
تشتاقلك
وتقول ولا غيرك
في زماني
وشوشني يا بحر
وقولي
بحلم بطيفك
تملي
يابحر بتفهم
وأنا بحلم
أسكن موجك
وأتنسم
وشراعك يصبح
عنواني