الشاعر المصري /احمد ابراهيم ********** فى قصيدة / حداد الأمس

 

 
 

حداد الأمس حداد بكره حداد بعده

ومليون شمس مش ناويه فى يوم تطلع

ولا بينا الليالي تحس

وكان الصوت هنا بيموت

على ارض الألم يتحس

ونرجع تانى ونجرّب حداد الامس

عيون تبكي على حالك

وبحكيكي بلهفه وهمس

تعدي سنين وتيجي سنين

ولا باين شروق الشمس

ويجري العمر ف غيابك

وتبعدني خطاويكي

اقول عاشق لياليكي

اقول عايش وبشكيكي

اقول دايب مع قلبي اللى شاب بعدك

واقول مشتاق انا ليكي

تعدي سنين وموالي يغنيكي

ومادد ايدي ماتمدي ايديكي

تعالي ف حضني اطويكي

تعالي يا غنوة مكتوبه على سطري

تعالى يا بسمة مرسومه على خدي

تعالي وعيشي ايامي

مايكمل لحن فى غيابك

ولا يهتز يوم وتري

على بحر الحروف موجه ومكتوبه بحبك موت

ويعلى الصوت على سطري

يقول عاشق عنيكي السود

ليالي حدود بعاد والصوت بيدوي سنين

وكاتب اسمي على موجة حنين شارب

بشهد حنين كتبت اسمي م العاشقين

كتبتك فى قاموس عشقي

وكتبك قلبي على وتر الحنين فى سنين

انا العاشق وبحكيكي

تغيب الشمس ف عنيكي

اكون الضؤ على دربك

واكون ليكى حبيب عمرك

واناديكى بلهفه وهمس

لكن لسه حداد الأمس

فى عيونك مع بكرة مع بعده

وانا عايش على سطري

مداد قلمي بيكتب قصتى ليكى

فى حضني ذكريات عمرك

ومتألم على ألمي واه واهين

تغيب الشمس من دربي

واقول قدري يكون موجود حداد الأمس