ديمكراتيكا.....بقلم الشاعر ابراهيم القاضي.

 ديمكراتيكا...ةةة

ةةةةةةةةة

ديمكراتيك..ديمكراتيكا

ديمكراتيه..مهلبيه..

ف الحله جايه..باﻻمريكيه

لم لسانك..حطه ف بقك

غمض عينك ..مش من حقك

تدلى برأيك ..حتى ف اسمك!

أو تتعشى ..سمه تسمك..

ولا تتمشى..قبر يلمك !

طيب حاضر ..

صم ،،بكم ..!

نهج حياتك..هس ..كتم !

تبقى واشنطن..

قبله..وحرم...!

بتعريكا ..ما تغطيكا..

ةة ديمكراتيك...ديمكراتيكا ةة

ليه أمريكا ..بتخليكا 

قبل ما تعلا ..بتوطيكا

هيه تغنى ..وتبكيكا !!

تزرع هم ..ناكل مم 

تملا دماغنا بالبلوتيكا ..

راحت آسيا..

جات أفريكا..

مسحت روسيا بالأستيكا

ةة ديمكراتيك..ديمكراتيكا ةة

يقولها بوش ..يقولها ويكا

حبة وحوش يتغدوت بيكا..!

تضرب معاهم ..والضرب فيكا

ياعقل افهم ..يا عقل نور

فتش ودور..

مين بيهدم..ومين يعمر

ومين بياكل ..يابس وأخضر

مين بيدفن لجلن يبور..

ومين بيعلن ..لجلن يطور

مين بيكتب بالفكر اﻻصفر

مين يعطر ..ومين يضفر

مين بمهره..

يدوس ف قهره !

صهلة حصانه..تغلب شيطانه

وكل بوش وأمريكانه..

ةةةةةةةة 

الشاعر ابراهيم القاضي..2005/4/20