غــــــرامـــــى ......بقلــــــم: عـــــادل الشـــــــهــابى

عاوز أكتب أنا عن غرامى ....
وأوصل لحبيبى سلامى .....
بقلبى بدمى مش بس بكلامى .....
بعدتنى عنك شويه الظروف ....
وقلبى كان حاسس بشىء من الخوف ...
لانى عارف حواليكى ألوف ...
حبيبتى من بعد الاشواء ....
أعرفك أنى ليكى مشتاء ....
وحافظ وعدى ليكى بالوفاء ...
عينى مش شايفه غيرك ....
عايش فى حبك وفى خيرك ...
حبيبتى يا ترى أنا لسه فى تفكيرك ...
حبيبتى يا أمل حياتى ....
سهران مع طيفك أنا ليلاتى ...
وحياتك فداها حياتى ....
عليكى يا ريت تطمنينى ...
قلقان عليكى وأحلف بربى وبدينى ...
يا رب أحفظها وخليها ....
ومن كل شر يا كريم نجيها ...
علشانك أنا نازله دموعى ...
ومن قلقى خرج قلبى من بين ضلوعى ...
طمنينى أيه اخبارك واحوالك ...
بخير ولا الخطر كمان طالك ...
قلقان كتير انا عليكى ...
وحشانى حبيبتى نظره عنيكى ...
حبيبتى طمنينى ....