((((بتقول ملاك))))))‫#‏نائلة‬ سامى

 

بتقولى ليه انك ملاك 

هما الملايكه بيكذبوا

دا انت حبك كان هلاك

دمرلى قلبى وحطمه

كنت فاكره انى ماليش فى الكون سواك

طلع دة وهم انا عشت فيه 

وحلم وحدى بحلمه

كنت بحلم فى الحياه بس بلقاك

كنت فاكرة انك ملاك

كنت فاكره انك حبيبى

انك منايا وانى مناك

فرشتلى اجمل بساط فى الهوا

وقولتلى هنعيش سوا

انا كنت بحلم وقتها

ولا غيرك هو اللى قال

وعدتنى بوعود كثير

انى ملكة وانت امير

فارس جميل بيخاف عليا

من نسمة الهوا لما تطير

كل ده كذب كذبته

كل ده كان وهم عشته

بس هيجى اليوم تدوق 

من كاس الظلم اللى دوقته

كرهت نفسى انى عشقتك

وانى فى يوم صدقت كذبك

وهتقولى تانى انك ملاك

هما الملايكه بيكذبوا

لو نسيت اللى عملته

قلبى فاكر مش هينسا

فاكر كل حاجة حصلت 

كل كلمة كل همسه

قلبى ليك مش مسامح

قلبى عارف قلبى شايف

كل كدب فى يوم كذبته

مش مسامحه ومش هسامح

مش هلومك مش هعاتب 

سيبا حقى لربى وحده

ربى وحده بس قادر

يرجع حقى اللى خدته