*** تحت الركام ***فهمي علي

*** تحت الركام ***

اوراق كتير من غير عدد 

وسط الركام تحت الهدد 

متبعترين شبه السنين 

اللى بتستجدى المدد 

فى الصفحة دى حبة دموع

متفرقين من غير سبب 

و الصفحة دى حرفين عجاز 

ما اتعلموش لسه الادب 

و خطوط بتحضن بعضها 

فتميل على شطوط الوجع

تضربها موجة من الانين 

فتغيب ما بين صدف الودع

و دى صفحة خالية من الكلام 

اطرافها دايبة من السكات

ملتلتمة بطرحة حداد 

على حلم كان اخضر و مات

صفحات على طرف الحياة

محتاجة حد يلمها 

يغزل على وشوش البشر

كام رسمة توصف حلمها 

اللى اندفن قبل المعاد 

فى تاريخ مالوش فى الزحمة لون

سرقه البكا لما اشتكى 

فاضطر يهرب للجنون 

فهمي علي

أعجب