ان الوقت معاكى ميعديش..بقلمى ..مسعد العقبى

ان الوقت معاكى ميعديش

انى اكون بهواكى قادر اعيش

انى اكون طاير بجناح....

ان عنيكى تكون لى براح

انى اقعد وياكى للصبح

ان الدنيا تحس بفرح

انى انسى وانا معاكى الكون

انى اكون وياكى مجنون

انى اسمع منك احلى كلام

انى اسيبك لحظه ما اعرف انام

وان حقيقتى تبقى احلام

وان احلامى تكونى ويايى

وف حضنك ارتاح وانام

واحكى يلك على بيجرى لى

وابعد خطوه ارجعلك تانى

سامعه حبيبتى موج البحر

شايفه اشواقه وخطواته

شايفه هدوئه وانكساراته

دابت اصواتنا فى اصواته

انا عايزك زى البحر

ف كل حالاته

وانا قاعد وياكى بنسي كل الناس حوالينا

باشوف فى عنيكى الدنيا 

وباشوفهم بيرددوا اغانينا

وانا قاعد وياكى موش بعرف ده كان حلم ولا خيال

بحس بكل كلام الحب خلاص خلص واتقال

واول ما ايدى تقرب منك اعرف ان الهجر محال

عارفه حبيبتى احساسي وانا فى حضنك

عارفه سؤالك لى ده كان واقع ولا خيال

ايوه ده واقع حتى بصى لموج البحر

بينادى علينا

بيغنى لاسماكه غناوينا

بيحكى لالوانه اسامينا

شايف حلمه اتحقق فينا

تحسي بموجه بيلاعب خطاوينا

تعالى حبيتى 

تعالى نبنى كهوف على شطه

وكل ما نبنى موج البحر يعاكس فينا

كل مانبنى ييجى يهده

عارفه حبيبتى انا راح اكلم موج البحر

انا راح اقله يبقى ف حاله 

موش كل مانبنى بايدينا الكهف ييجى يهده

انا راح اقوله لو عايز يلعب يلعب على قده

موش كل شويه يخبط فينا

عارفه حبيبتى مين بينادى علينا

طاير فى الجو

بيحاول ييجى فوقينا يحمينا م الشمس

بيقول انه مستينا من امس

عارفه انتى حبييتى الشط

كل رماله حفظت خطاوينا

كل رماله رسمت اسامينا

كل الاطفال ع الشط بتردد غناوينا

بقلمى ..مسعد العقبى