فارس مهزوم...مسعد محمود

فارس مهزوم...

انا موش فارس ولا خيال

ولا عايش فى حياتى خيال

ولا بعشق فى الحزن عيونك

ولا بعرف كان ايه يتقال...... 

كان نفسي اعيش وياكى الفرح

نرجع نلقى نفس الجرح.....

هى دى دنيا ولا خيال...

واخدنا واخدانا لفوق....

تاخدنا يومين نصحى نفوق

وانا معرفش ايه يتقال

.........................

فى كلامك سرحت كتير

وف همسك كان قلبى كبير

ما فهمتى ايته تغيير

ده احنا ف دنيا ما فبها محال...

ولا بعرف كان ايه يتقال

...............

دنيا وعايشينها اثار

عايشينها تماثيل من نار

واقفين فرجه للزوار

ما لنا فيها اى ادوار

....................

دنيا وعايشينها حساب

واحد ....اتنين...الف امل كداب

كان حلم صغير جوه كتاب

هى دى عيشه ولا هباب..

..............

دنيا وعددها ايام

ورموزها حبة احلام

شفرتها حلها اوهام

دنيا ما فيها اى سلام...

........................

شيخنا عايش فيها الدور

وقديسنا بيلف يدور.....

يارب ارفع عنا الجور

دى حبيبتى دى كانت حور

وجايه بردو تئولى سلام

وانا معرفش ايه يتقال..

.............................

اختى قالتلى شيل الصوره

حاسه بدموعك مكسوره

وبلاش تكتب ع السبوره

فارس وحبيبته معزوره

وبلاش تانى تئولى ديوان....

وبلاش تكتب فى الاحزان...

..........................

امى مبتقراش اشعارى

ولا حبانى اعيش افكارى

خايفه على قلبى واحساسي

وانا ارجع واعمل ناسى

سامحينى يامه .....

كلامك راح احطه فى راسى

م انا موش فارس ولا خيال

ولا عايش فى حياتى خيال....

..............................

حتى ابويا زعلان منى

علشان مره سمعنى بغنى

اغنية كانت لحبيبتى...واخرها كانت لبلادى

وكنت مكمل فيها عنادى........

عن حاكم سارق وغاصبنى

وحبيبه بتتاخد منى

راح لافف ايده وضاربنى

عايز ايه انت فهمنى

هو انت لوحدك عارف الحق

كل كلامك دايما ﻷ

ناقصك ايه انت كلمنى

شايف انت حبيبى الجره

يللا يا فارس اطلع بره

......................

فارس مهزووووم