أجمل حراس ــــــــــــــــــبقلمي / محمود مسعود

أجمل حراس

ــــــــــــــــــــــــــــــــــــــــ

لا .........

مش أنا الصورة اللي رسمتيها

علي جدار خيالك

ولاحتي اللعبة اللي في يوم 

كسرتيها بدلالك

ولا يمكن أبدا ح أكون

سايس لحصانك

وحياة الدمعة اللي فرت علي

خدي يوم عشانك 

راح ابعد وبعادي مش هروب

لا دا عتاب وأسي ولوم 

خليك قاسي وقلبك خليه مسلوب

يمكن فاضي وبتتسلي بالقلوب

أنا مش زيك قاسي 

لا أنا زى شجرة توت

ممكن تعجز في الوادي

وورقها يضلل ع الناس

مش را ح أقول ح اتشفي

ولا ح اضحك من جوه قلبي

لما أشوفك تتخفي

وتداري وشك م الناس

عشان غيرك قدرني

وجوه عنيه بحنان سكني

وغطي عليا برموشه

وخلاهم أجمل حراس ......................

ــــــــــــــــــــــــــــــــــــــــــــــــــــــــــــــــــــــــــــــ 

( بقلمي / محمود مسعود ) 12/3/2016م

أعجبني