عيدك يا أمى

عيدك يا أمى
عيدك يا أمى السنه دى
دور عليك ملاقاك
حجب شمس النهار
ونكس الازهار
وأصبح الطير حزين
وبكى نسيم الليل
على قلب كان رحيم
بالصغير والكبير
اما انا يا أمى
فاشيله جوى صدرى
قلب كسير حزين
نبضه كله أنين
عمال يجيب ويودى
فى زكريات السنين
وعينى عماله تبكى
وتقول ها بص لمين
واضمه فى حضنى وقوله
كل عام وانت بخير
يا خساره يا أمى مبدومش الأيام
حتى الزمان يا أمى
بيتغير من حال لحال
وانا مبقاش قدامى
غير إنى أدعى الرحمن
يرحمك يا أمى زى مقال فى القرآن
رب أرحمهما كما ربيانى صغيرا
وكفر السيئات وزود فى الإحسان
إنت الرحمن الكريم وإنت المحسن العاطى
تسكنها فى الفردوس وتهون علينا الباقى