قولي يا هدير....للمبدع رمضان بقشيش

قولي ياهدير
لما تلاقي زهور وورود
وفراش بيطير
لما تلاقي الجو اتلون ...
زى الحلم من التغير
لما النسمة تبقي شقية
رقيقة ترش عبير
لما الكلمة الناعمة الحلوة
تبقي عروسة وتوبها حرير
يبقي أميرنا(حناطي ) قال:
دلوقتي قولى ياهدير
قولى ياهدير ..
ازاي البنت بتتحمل من القسوة كتير ؟
ازاي الدمعة المحبوسة
فى قفص بتطير ؟
ازاي ترقص ؟ ازاى تعشق ؟
ازاي بتغير ؟
وانا شايفٍك بنتي *طب قولى انت*
ازاى ها تطور وزمنها اتغير
بقى بيبيع
ازاى راح احوط حوليها
لا الحلم يضيع ؟
اعشق وبتنسى
من غير تفكير
طب قولى ياهدير ..
وأنا أب وفارد جنحاته
عليها تضلل
وبخاف م الدنيا وم الأحزان
تيجى تضلل
خطاويها الناعمة انا
بحرسها وعليها بغيير
فهمانى ياهدير .؟
ازاي عدي الليل وصحيت
ولقتني كبير؟
عدى العمر بيجرى فى لحظة وما حسينا بالتغيير
وضع يحير.. وضع خطير !
والدنيا ما عادت هى الدنيا
اللى عرفناها !
فقدت كل معاني البهجة من جواها
رسمت فى وشوشنا ألمها
وما سبناها
وأدينا عيشين نعشق ونغير
فهمانى يا هدير
شكرا ياهدير

شعر / رمضان بقشيش

عرض المزيد

أعجبني