سيبونا فى حالنا ....عبدالمنعم عدلى..

سيبونا فى حالنا

عبدالمنعم عدلى..مصر

سيبونا فى حالنا سيبونا

وخلينا نعيش اللى جرىلينا

دنيا وفيها العجب

والربابة هتقول السبب

ودق وتر الربابة

وصل على نبى الغلابة

غلبان وعايش

وسط ديابه

زرع زرعة

فى أرض الغلابه

والزرعه طرحت

بنين وبنات

ومر بيهم 

العمر عذاب

وأتاريهم فى غابة

والديابة لسه ديابه

والأسد لساه

ملك الغابة

والهيثم لكرسى

العرش مستنى هبابه

وتحت الطين

عايشين الغلابه

فيهم مرض الجرب

مرسوم على جبينكم

أصلها عادة

أاه عليكم 

عندما ينخر الفقر جيبوبكم

وعندما ينقطع وتر الربابة

وماتكمل الحكاية

والناس تخاف من

عدوى الجرب

مش ذنبنا

خلقنا فى

دنيا الديابة

وتفضل الحكاية

هى الحكاية

حكاية الناس الغلابة

بقلمى عبدالمنعم عدلى

١ تعليق