مفيش ندم. أحمد سلاطين

شعر غنائي

مفيش ندم

********

أنا مش ندمان عليك

ولاعمري نسيت عنيك

وهعيش ع الذكريات

يوم ما انخدعت فيك

مش هنسي الجرح تاني

يوم ماقسيت يازماني

دنا عشت فيك ٱهات

عشت في زمن الأماني

خدعتني و كنت طير

محطوط ف قفص كبير

ونسيت كل اللي فات

والجرح دا كان خطير

خليتني أعيش في وادي

مخدوع ف تاريخ ميلادي

من بعد ما قلبي مات

كاره أشوفك قصادي

يا اللي عشقتك في يوم

صورتك صبحت غيوم

وكرهتك من سكات

مابقاش في حتي لوم

كنتي ف قسوة طباعك

ما بنامش الليل بتاعك

وغرامنا دا كان في شات 

وأنا عمري ماقلبي باعك

افتكري في يوم غرامي

مافي يوم عدي ف منامي

ولا عيني في يوم تبات

من غير ما يزيد هيامي

وحياة حبي اللي كان

وحياة عشقي اللي هان

أنا همحي الذكريات

راح أقول حكم الزمان

بقلم أحمد سلاطين