الدنيا ضحكت. أحمد سلاطين

الدنيا ضحكت

***********

إنتِ دوايا اللي وصفهولي الطبيب

الجرعة منه تقضي فورا ع المشيب

إنتِ الكلام الحلو خلى الروح تطيب

لما سمعتك وإنتي بتقولي الحبيب

الضيق دا كله راح ف لحظة بالسلام

لما حبيبتي جت وعادت لي الكلام

قالت بحبك أيوا مهما كل الخلق لام

أنت الغرام وانت الدموع والإبتسام

يا نور عيوني غبتي ليه عني سنين

طب ليه تغيبي تخلي قلبي والأنين

كانهم توأم لاجيء ف دنيا العاشقين

ولما شفتك والتقينا وجمعنا الحنين

فجأة لقيت الدنيا ضحكت من جديد

وكأن أنا جاي لسه من كوكب بعيد

ولقيت حورية نورها ف عيونها يقيد

خلى الضلام في الروح سافر أكيد

أيوه بحبك دا اعتراف وبدون كلام

لما لقيت روحي اللي بسمتها غرام

اللي ف عيونها سحر نساني المنام

بكتب قصيدة لقيت ف آخرها الهيام

بقلم أحمد سلاطين