أيوب.. الشاعر المبدع أحمد سلاطين

فين أيوب 

*********

وفين أيوب عشان آخد شوية صبر

واتعلم كمان منه أسهل طرق للجبر

وأقول يارب اهديني بنور و إيمان

عشان يمكن أكون جاهز ليوم القبر

ياريت أقدر أكون صابر واعيش أيوب 

و عالبلوى أو الأحزان اعدي دروب 

بدون الآه ولا الشكوى أكون إنسان

ادوق المر و استغفر و ناوي أتوب 

ادوس ع الشوك بلا شكوى من الأيام 

اعيش مع صبري واستغفر بدون احلام 

وأقول يمكن الاقي الدنيا تتغير وتتبدل 

واقوم م النوم على الدنيا و كله تمام 

ياريت الناس دي تتغير ف غمضة عين

يسود العدل والإحسان كما في الدين 

وننسى الغرب والموضه اللي هاجمتنا 

وخلت كل أولادنا تقلدهم وقلبي حزين 

ياريت نرجع نكون ساده من الصالحين 

ونتمسك بأخلاقنا ورثناها من الوالدين 

وعلمناها لولادنا ونزرع فيهم الإنسان 

وايوب اللي جوايا يطهرنا فقولوا آمين 

بقلم أحمد سلاطين