كل عام وانت حبيبي. الشاعر هشام علي

كل عام وانت حبيبي

كل عام والحب خير

لو جابوا لي قلب صافي

أو حتى جه وقال عوافي

سلامنا ليه بالحب دافي

نجيب حبايبك على جُنْح طير

كل عام ونحبك أكتر 

كل عام وشك ينور

وع المحبة لسة بدوّر

يالله بينا نقوم نفكر

في الأمل ومعاه ح نسهر

لحد نور الشمس يظهر

يا إبن الأفراح يا غالي

أملك في ربك كبير وعالي

إرمي حلمك ع إللي خلقك

هوَّ إللي خلقك وإللي عدلك 

يقدر يبدِل لينا ف ملامحك

من مريض لشديد يكافاءك

ارمي يأسك خلف ضهرك

وحُط غيره فرح وسرور

ربنا يقدر يساعدك

دا إنت حبيبي وسكّر زيادة

نفسنا نسكن في حضنك

ربنا يقدر يبدّل الضلمة بنور 

قوم هنا وتعالي جنبي

ما كانش ذنبك ولا حتى ذنبي

قوم تعالى يالله غنّي

نمسح الحزن ونخبّي

كل يأس وبداله عبّي

شكر للخالق يا صاحبي

هوَّ قادر ع العطية

هوّ إللي يعفيك م البَليّة

يالله نسجد للي خلقك

يبعدك عن دي الأذّية

بينا نتلّقى م الناس التحية

يالله ننعم في الحرير

....................٥...................

 المهندسين في ١٥ /٢ /٢٠٢٤ م

       يالله نتحدى المرض

 زجل من تأليفي : هشام علي

....................٥................... 

هذة مقطوعة زجلية خاصة بالأطفال مرضى السرطان ... عافانا الله واياكم منه