بلاش تجيني.. الشاعر هشام علي

بلاش تجيني م ترجعشي 

خلّيني اعرف في يوم امشي

من طول بكايا داب رمشي

خليّني مرة اصون عرشي

شبعت منك ياما أحزان 

وكنت ياما أقول آخر مرة

وكنت احكي كان ياما كان

واخبي عنك ساعات مُرة

ومن ساعة م ميعادك فات

ظهرت حقايق فيك شينة

وقال لي قلبي ح تعيش في آهات

وأيام كتير كدة مش زينة

فارقني وامشي وبلاها وداع

كفايا منك ما بنامشي

بسهر وقلبي كله خداع 

أصبحت عادة فارق عشي

........................................

المهندسين في ٢١ / ٤ / ٢٠٢٤ م

           بلاش تجيني 

        شعر : هشام علي