شفتي قلبي.. إبداع. هشام علي

شفتي قلبي لما إنكتب ليه العذاب

فاتوه صحابي وبعدوا عنه وقالوا داب

وأنا روحي فيها ... ولا يوم نسيها

خانّي الأحبة ... وما سابوا ليَّ غير حبة تراب

وأنا قلبي كان فيه العشم وغرقت فيه

كان ظني يوم ييجي الأمل واحافظ عليه 

ليه الخيانة والخداع مالي الوجود ؟!

وكلمة أحبك غابت سابت الحدود

وأنا روحي فيها ... وحلمت بيها

ومهما سدوا الطرق وبنوا السدود

كان نفسي أختم صفحتي وإسمي عليها

بتحية خالصة لحبنا من غير قيود

مخلص لقلبك يا حبيبتي والباقي ضاع

ساب لي إللي كان و من زمان حلمت بيه

كان نفسي أشوفك زي قلبي وقوي عشمانة فيه

م بقاش كتير منه وجبر الله يعافيه

............................................

  المهندسين في ٢ / ٨ / ٢٠٢٤م 

         " أنا روحي فيها "

   شــــعر : هشــــام عــــلي 

............................................