أرجعي لعشك.. الشاعر. نصر سيد بدر طلحة

أرجعى لعشك.. حبيبتي 

قلبى حبك.. ثم مال

وأنت غايه في الجمال

الجمال والحسن فيك

شيء حقيقي مش خيال

وأعمل أيه فى جمال عينيك

والحنين للقرب طال؟؟ 

    ............ 

أبتسامتك باب بيفتح

ع السعاده فى الحياه.. 

وفى غيابك القى نفسى.. 

طير شريد من صاحبه تاه.. 

فيه سؤال دايما فى بالى

نفسى القى له. جواب.. 

أمتى اتهنى بقربك؟؟ 

أمتى ارتاح م العذاب؟؟ 

يظهر الحزن فى عينيا

لما بيطول الغياب.. 

     ............ 

أرجعى لعشك حبيبتي 

زى طير للعش عاد.. 

كنت متعود عليك.. 

تيجى دايما فى الميعاد

ارجعى لعشك حبيبتي.. 

قلبى داق مر البعاد.. 

أرجعى لعشك حبيبتي 

هو ده كل المراد.. 

أرجعى لعشك حبيبتي. 

........................ 

بقلم/نصر سيد بدر طلحه القاهره