كأني عايش. الشاعر. حليم محمود أبو العيلة

كأنى عايش

كأنى عايش من ألف عام وعام

حملى تقيل و أتقل من الأيام

يعم يا عراف كيلو السعادة بكام

أشترى طن وأعينه أنا لقدام

ينفع ليوم زنقة وأفوق من الأوهام

عم يا عراف قوللى أشتريها منين

ولا تعمللى حجاب يعرفنى أنا مين

واعمل كمان تعويذةتكفينى شر العين

هز راسه وقال عمرك عايش حزين

دا بختك وقدرك مسطر ع الجبين

            كلماتى:

الشاعر: حليم محمود أبوالعيلة