انت فينك. الشاعر. عبدالرحمن سيد قريطنة

انتي فينك ياللي زرعة 

ف قلبي وردة

كل ماشتقلك أجيبها

وابتسم ليها كإنك

وبعينيه اشوف جمالك

احسد اني فيوم عرفتك

واللي اجمل إن فيه بينا مودة

فيه تبادل ف الأراء

وإن يجمعنا لقاء

وإن ف قلوبنا محبه

فيها صدق وفيه صفاء 

انتي فينك يللي 

مشتاق للقاكي

نفسي افتح عيني

القاني معاكي

صدقيني ماعدت عارف

كلمه اكتبها لغيرك

بقيت اسيرك ليل نهار

والله وغلبني هواكي

ليه ياقلبي ليه سايبني

لما بصحى مش لاقيك

والقى افكاري تاخدني

وعقلي بياخدني عليك

أسألك عن قلبي جالك

ولاَّ خبيته ف خيالك

إرضى واسمحلي بقلبي

واضمن انه يبقى ليك

لما بشوف طلتك

قلبي يزيد دقاته

افرح قوي بنظرتك

والرمش مع اشاراته

بتوه ف دنيا هواكي

ماعرف طريقي فين

ودا كله نفسي رضاكي

مهما تزيد حكاياته

 يلا يانور العين

نفسي اشوف نورك

طب نظره واحده كفايه

المحها ف عيونك

 تطفي لهيب الشوق

واللهفه والإنتظار

محتار ونفسي لقاء

ايه قيمتي من دونك

من اشعار عبد الرحمن سيد احمد قريطنه جمهورية مصر العربية