شايلة الكاس. الشاعر. محمد السر السر

علي غياب الزمن نصبر ..

وفي غيابك نحس الفرق ..

نعاين في وجوه الناس ..

نفتش ملامحك حب وما بنفتر ..

تمر ساعات غيابك في زمن ماكر .. 

نفتش ليها في الايام ..

نلقاها في وجدانا سنين وسنين ..

ما بتسأل مشاعرك عنا قلوبنا ..

ما حصل فكرة لحظة ايه بيحصل في غيابك ..

لي دواخلنا وشعورنا . 

لي منامنا ولي سجودنا ..

لي كلامنا ومبتغانا ..

لي قصننا ومنتهاها ..

لي البداية ونقطة لقانا ..

ما أظن تقدر تغازل للزهر والعيد مسافر ..

ما أظن ...

نقدر نفوتك يوم قطف الازاهر ..

في غيابك سكت النغم ...

غاب الكمان عن الزمان ..

وفي جوفنا .. سكن الهيام ..

والبنية ديك .. شفناها شايلة الكاس ..

كاسا من بريق اصفر ..

كاس ملان شراب ابيض ..

ولونو من لونك مقاس ..

اريت ترجع مراكز الشوق ..

ونتسامر مع المريود ..

ونجبر خواطر الناس ..

ونشيلك فرح مياس ..

وتتعطر مجالسنا ..

ونتناسي الألم والخوف ..

ونسعد بيك ..

وتسعد بيك بنية من .. تاني .. شايلة الكاس ...

محمدالسر 

السودان