الفوج شفته. الشاعر. ابوثابت بن عبداللطيف

الفوج شفته

الفوج شفته مـثـل طـيـر الـجـو حـام

فوقي وقـال الـبـيـت قـم اسـتـقـبـلـه

باين معه عاجل خـبـر مـظـمـون هـام

رحـب وسـهـل فـيـه حـذرك تـشـغـلـه

واطرح له الجاوي على الراس المقام

غـــالــي واغـــلا مــنــهــم الــديـولــه

اسمع كـلامـه بـه حـكـم والاحـتـكـام

مثل الـجـمـل عاقل باسـمـه مـعـقـلـه

والنور يلمع مـنـه فـي سـود الـظـلام

مـن الـنـجـوم الـسـامـره لـه تـرسـلـه

هات الدفـاتر حـط جـنـبـك والـقـلام

والي يـقـولـه قــول ابــشــر سـجـلـه

احـذر تقول لـه لا قـل حـاظـر تـمـام

لازم تـكـن لــه مـسـتـمـع واتـحـمـلـه

الـلـول والـمـرجـان طـبـعـه بالـكـلام

واحيان يـطـلـق ظـاويه مـن جرمله

ماشي بـهـا عـتـبـه ولا فـيـهـا مـلام

فـيـهـا عـلـوم اتـعـلـمـك الـمــرجـلـه

واحيان مثل الغيث من فوق الغمام

مع البرد يـنـزل مـن الـمـزن اهـمـلـه

ماشي بها شي عـيـب ولاشي حرام

وديـان تـشـرب مــنــه لاقـد سـيـلـه

ذي يـنـكـرونـه الـحـسـد مــع الـلام

اما اصـيـلـيـن الــبـشـر تـشـتـاق له

باقفل كلامي سم في حـيـه وهـام

لـكـل جـاحـد ســمــهــن بـايـقـتـلـه

على طبق من ذوق حطيت الطعام

مـن ماحـلـي وطاب له ذي يـاكـلـه

الـحـمـد لك يـارب دايـم بالـخـتـام

والـبـسـمـلـه يـقـولــهــا فــي اولــه

على النبي توصـل صلاتي دام دام

والال والاصــحــاب كـلآ تـوصــلــه

ك صالح قاسم شاعر الصبر

ابــــو ثــابت بن عبداللطيف