أنا والأميرة.. للشاعر. أحمد عبدالرازق الزعويلي

(انا والأميرة)

شعر/ احمد عبد الرازق الزعويلي 

تعالي احكيلك واقول اللي جوايا

ماهو انت ديني ارضي وسمايا

عايزة ابثك فرحتي شكوتي ورجايا

 بس حاسبي عليا واعرفي اللي معايا

انا يا اميرتي فارس جاي في زمن غريب

لا تنفع فيه اخلاق ولا باين لها فرج قريب

انا فارس في مظهري واسمي ابو قلب حبيب

تعمل ايه الشهامة ولا الشهادة في زمنا العجيب

جاهل غني أو المنافع والمكاسب مطبلاتي رهيب

يحيا الملك عاش الملك وانا مليش في السلطة حبيب 

 يا زمن الصحاب والمحسوبية أو كرباج الرقيب

يا اعيش خروف اسكت وأشوف شمس بلادي بتغيب

 يا زهرة حياتي وكل امنياتي والضيقة ف قلبك

 جنة دنيتي وبلسم جروحي وبراح رحيب

قولي للأمير يسبني أعيش بلقمة حاف وعيش مر

 اكون راضي لو القاضي نطق وقال سيبوه حر

وانا الفصيح لا احب المديح ولا عايز اي شر

ضهري انكسر وابويا اتحسرواخويا اقدم اسير

امي جاعت وعمرها ما باعت شرفها ولبست حرير

روحي لحالك وانت مالك بقلب طيب بلسان مرير

احمد عبد الرازق الزعويلي 

شاعر وكاتب صحفي مصري