الصبر مرار. للشاعر. د. حسن الشوان

.......... الصبر مرار ..........

فاض بقلبى الصبر مرار 

فاض وغّرق كل الأركان

مبيميزش ليل و لا نهار

ولا تاريخ ولا حتى زمان

ولا دموع ع خد الأزهار

فاض بيا الصبر وإشتكانى

انا اللى تاعبته م كتر هوانى

كل اللى داقه معايا حرمانى

ولقا كل بستانى شجر صبار 

مصعبتش عليه لما سقانى

انا اللى طلبته وهو جانى

بيقول إتحمل كتير عشانى

وانا مقدرتش اكمل المشوار

طيب انا دوقته بكل الوانه

وحاوولت كتير من نسيانه

وخدت ازهارى من بستانه

عشان ميشربوش منه المرار

كفاية انا دوقته وعرفته 

وعلمنى اصبر من عشته

وتعبت كتير من مرارته

والمرادى بتقدم له بإعتذار

.......................................

...... د . حسن الشوان 🇪🇬 .....