المتمردة.. للشاعر. عماد سيد

المتمردة 

صاحبتنا ماشية بكل شموخ 

فاكرة اني راح أركع او أدوخ 

ماشية بتتمختر بجمالها 

بقوامها وبسحر دلالها 

وأنا عامل مش واخد بالي 

مش هاضعف ولا حتى أغازلها 

الخطوة بتهز كياني 

خلخلها الحان وأغاني 

ضحكتها بتشق القلب 

ورموشها دايما وجعاني

 فرسة ومحتاجة لخيال

وانا فارس ومعايا لجامها 

      شاردة ولا أي غزال 

وأنا صياد وفي يوم راح أصيبها 

مغرورة وطباعها عناد 

لو أمرت الكل ذليلها

ياما جرحت بجمالها قلوب

ياما وجعت أحاسيس ومشاعر

على أيدي هاتخضع و تدوب

وهاتيجي وتطلب أشعاري 

تتوسل وتقولي ها أتوب 

وانا هاأعمل سارح ولا داري 

انا قبلك دوبت قلوب  

ولا عمرك جيتي ف أفكاري 

هاستحمل بيني وبين نفسي

لو سلمت هاتكسر نفسي 

وهاداري على وجعي وحيرتي 

بكرامتي أحسن ....ماتهان 

المتمردة 

بقلم /

          عماد سيد