اصعب زمن. الشاعر. محمد عبدالله توفيق

اصعب زمن

اصعب زمن بيمر بينا

            بصراحه هو الزمن ده

الحب ضاع من بين ايدينا

            العشره هانت والموده

د الغالى يا عينى بنبيعه بارخص تمن 

     عايشين فى اصعب زمن

الكره زاد بين البشر

           والظلم ساد اه وانتشر

اخلاقنا مبقتش إللى هى

واتبدل الزوق بالأسيه

الود غاب والحق داب

وحياتنا ضلمه فى ليل عذاب

د الغالى ببيعه يا عينى بارخص تمن 

     عايشين فى اصعب زمن 

توهنا وتاهت خطاوينا

ضعنا وضاعت أمانينا

اشواك مفروشه فى طريقنا

وموال الحزن فى أغانينا

د الغالى ببيعه يا عينى بارخص تمن 

      عايشين فى اصعب زمن 

متغربين واحنا فى حضن بعضنا

جوانا شئ باعدنا رغم قربنا

كل ما ايدينا تقرب

             أملنا يملاه يأسنا

د الغالى ياعينى بنبيعه بأرخص تمن

     عايشين فى اصعب زمن 

يا دنيا ليه تعبه قلوبنا

بننجرح ونقول نصيبنا 

بعدتى عننا الأحباب

وفاتونا اعز الأصحاب بلاش القسوه دى يا دنيا

       خدينا من زمن كداب

        خدينا من زمن كداب 

د الغالى ياعينى بنبيعه بأرخص تمن 

       عايشين فى اصعب زمن

                  اصعب زمن  

للشاعر محمد عبدالله توفيق