رباعيات وآهات. بقلم صلاح الصغير
رباعيات وآهات.
..............
أخدت الشمس وهى مفارقه بالإحضان
ووقت الأمس فى الفرقه والتـــــــوهان
لقيت القمره بتنادى كفايه عليــــــــك
تعالى فى حضنى وسيبها ياسهران
.....................................
نفسى أبكى شويه بس مش لاقى دموع
نفسى أصرخ وصوتى مش مسموع
نفسى اأاقى فرحه غلطانه فى عنوان
نفسى أحضنها وأتمنى مايكنش ليها رجوع
.......................
هى بنت الإيه داهِيه
عامله ليه فيها بهيه
من زمان وأنا نفسى فيها
بنت الإيه فرحه مستخبيه
..................
أول ضحكه راح اسمعهالك
وأول بسمه راح اهدهالك
وهجيبلك أحلى غنوة
من روح روحى هغنهالك
..................
بدارى نفسى فى دخان سيجارتى
...... وبكسر بايدى جدران ايرادتى
وبكتم حنينى وصوتى فى تنهيدتى.
....يانفسى بلاش يأسى ولا زهقتى؟؟؟؟؟؟
.......................
وغنى مواويلك لـ ليلك
وخلى إحساسك دليلك
بس إنت شاور بأشاره
هتلاقينى فى لحظه أجيلك
................................
مالك يابحر ساكت حزين
هو انت ايه زى تعبتك السنين
فين موجك وهوجك فين فرحك
باين عليه الفرح غرق من دموع العين
....................
الزمن قالى
هسيبك للدنيا تعلمك
ولليالى والسهر
فيها يفهمك
قولت له يا زمن ليه كده
قالى الدنيا
عنى ممكن ترحمك
مافيش فايده فى كلامى
هو يعنى هحقق احلامى
ما انا اللى بحلم كتير
وانا اللى بطول فى منامى
.....................
صلاح الصغير
مرسلة بواسطة Alwijdan @ نوفمبر 15, 2015
<< الصفحة الرئيسية