( الحقيقة ) *****************بقلم / علاء الدين زايد

 

بيقولولى الحب ده مش راح يدوم

بكرة تبان ليك الحقيقة

لوغبت عنها بس يوم

لوالسعادة دقت بيبانها

وجِه عريس ليها يكون

جاهز ومستعجل قوى

ساعتها تنسى كل الهموم

ترميلك الدبله الصفيح

وكارت أبيض يوم ميلادها بينكتب

وجواب مزوق فيه كلام حلو وفصيح...

خليك مع نفسك صريح ..شوف الحقيقة

عشان ماتصحى تلاقى يوم قلبك جريح

خليك مكانها...ح تلاقى برضه ماعليها لوم

من حقها تعيش شبابها ..تعيش حياتها

تعيش فى بيتها إللى فى خيالها

الحب إيه..الحب عمره مايطعم العاشق فى يوم

بصرخ لهم وبقول لهم

مش هي دي إللى فى خيالكم

مش هي دى صاحبة قصاصكم

مش هوه ده الحب إللى بكلامكم تقصدوه

دا حب طاهر عمركم ماهتعرفوه

دا شكل تانى بيترسم وبيتحفر جوه القلوب

دا حب عمره مايتنسى وعنه قلبى مش راح يتوب.

 

أعجبني