أنا سلطان بمحبوبتى محمد ضباشه

أنا سلطان بمحبوبتى

وأنا الفارس بأبياتى

وأنا اللى برقص الكلمة

على أنغام حكاياتى

و برسم قلوب حمرا

تزين كل صفحاتى

وريشة تيجى تحكيلك

عن حبى جوه جناتى

وأنا الموجوع ومن قلبى

وأنا المشهور بأهاتى

وأنا اللى بخرج البسمة

تشوفها الصبح مولاتى

شمس منوره دنيا

وتصحى فيا عذاباتي

بزرع كل أحلامي

فى ضل قلوب جميلاتى

وبعزف على الخدود ألحان

تشوفها شوق فى مرآتى

ينبش في القلوب تصحى

ويصحوا يلعنوا سكاتى

أنا قمرى ياما حبوه

وعلى قلوبهم علاماتى

وكاس حبى ياما شربوه

وسكروا بين دراعاتى

وطبعوا على الشفاة قبلة

وسابونى فى عز حالاتى

أدور على اللى تاه منى

ولا فهموا حتى نظراتي

أنا المختار ما بين أمرى

وتاهت منى خطواتي

جوه قلوب أكيد قاسية

وعيون أبطال رواياتى

أمسح الدمع فى عينيهم

ما يرد الدمع دعواتى

وركبوا سفينة قلبي

وكتفوا بالحب دراعاتى

أعجبني