. قلبي وجعني يا امه ... ......... إحساس / حسـن الشـوان ..........

  
 

قلبي وجعني يا امه ومبقاش فيه نور

والحياه مبقتش لزمه والعيشه تغــور

والأمل تــاه في الزحمه قزاز مكسور

حتي معاني الرحمه بس في الصدور

والدنيا بقت ضلمه لا احساس و شعور

فين لذة اللقمه ويدبل الريق في الذور

ومظاهرنا في الهدمه هياكل مالها دور

محروم يقول كلمه حروفها علي السور

فين رضا النعمه واللسان بقي مسعور

يا عيني عليكي يا امه من قسوة الجور

والأفكار في صدمه والأمل بقي مقهور

والعمر بقي نقمه وكتاب ملهش سطور

حتي رذاذ النسمه في الفضا بقي مهجور

أعجبني