{ همسة نصيحة }}}==*****الشاعر السوري المهجري .. اليان سمعان

حبيب قلبك انطريلو رجوع
***** خلي الحلا يرقص عابسماتو


ووجبة حب زغيرة لايجوع
***** قلبك شباب لاتنسي مراعاتو

خلي صوت العوافي دوم مسموع
***** وتزيني بضحكي واستني ملاقاتو

لاتستحي فيه وتغيري بموضوع
***** الحب لما خلق هيك تسماتو

لاتقولي كبرنا وماعاد النا رجوع
***** القلب مابسال عن شيب شعراتو

واذا وصل تعبان اجلي المشروع
***** بيكفي تعب وهموم عليكي بتهداتو

لاتزعلي لو غضب وتنزلي بدموع
***** بضحكة تسامح بس انتي مداواتو

صلي لربك يحفظو وشعلي بشموع
***** الرجال طفل زغير هيك مداراتو

قولي حبيب القلب و الراس مرفوع
***** خلي القلب يرقص عاصوت ضحكاتو

العمر ساعات الهنا وكاس وشموع
***** خلي الفرح بيدر والحب غلاتو
...................................................

أ