الشوق صحاني ....عاطف

الشوق صحاني

.....................

..

نمت شويه الشوق صحاني

جابك عندي و خدني لعندك

حاولت أكمل نومي تاني

و أعقل قلبي وأنسيه بُعدك

غمضت عيوني طيفك جاني

ضحكت روحي بلحظة قربك

كتر الشوق لعنيك خلاني

أضمك أكتر و أرجع أضمك

كل حُضن أجمل م التاني

ضُمني أكتر سيبني ألمك

صحيت فيّ نار حرماني

حسيت من شوقي نعومة خدك

قمت أبوسك زارني جناني

و حسيت بحلاوة خمرة فمك

أتكهرب مني وتر وجداني

وشوفت بعيني رُمان صدرك

كل ما فيّ يقول آآآه ياااني

أهو كل ما فيّ أتولع منك

زاد الخمر و زاد هزياني

و أتلخبط فينا سري و سرك

عرفت يا روحي خلاص عنواني

و بكره تجيني تقولي و أقولك

..

..

30.01.2016

عاطف