حفنة بذار من ديواني حفنة غزل ..بقلمي راضي مشيلح

 

-------------------------------------------

يا عايشه بروحي الله معك روحي

ولا تْطولي المشوار

جرح الزمن غدار

لا تهدمي صروحي وحولي عطر فوحي

ولو زارني جرح الزمان

وما فادني عطف وحنان

بلاقي بقربك بلسم جروحي

انتِ اليي اوفى من الغيم بكانون

من دمعتي لو كان غبتِ نهار

من كل حبه عاشت بغصن الزتون

من كلمتي بالشعر من حفنة بذار

بذرتا بهالمرج الوفي ومن بعد ما جفنا غِفي

رجعت عطتني غْمار

وقلبي اللي عرفك يوم ما تم اللقا

اعطاكِ المحبه ورجع اعطاكِ الثقه

وموسم العمر هديتي ليكِ 

خاتم ذهب خليه ب ايديكِ

وشو ظل بدك بعد اختاري

وحولي ان شفتِ الورد لا تغاري

انتِ اليي وحدك اليي بحبك فؤادي ممتلي

هيك بحب تْعامليني اعرفي

مش ع الكبيره وع الصغيره تشرفي

وبدي بمحبه تْقابلي شعوري

ومنو ضروري بغيبتي تثوري

ظلك وتر لو تلمسو الريشه بيعطي نغم بيطيب العيشه

وظلك بحبك متل درويشه

ودرويش عايش انا ما يوم راسي انحنى

مثل البدر لو تم وبحضن غيمه التم

لا بد انه ينجلي وينقص لحتى ينتدي

ارمي الوهم ارميه وبالقلب لا تْخليه

ومثل البدر كوني لا تخيبي ضنوني

تا نْعود مثلو نبتدي المشوار

--------------------------------

بقلمي راضي مشيلح