يا رب الكون...‫#‏فهمى_على‬

يا رب الكون انا أناجى 

عظيم عفوك و اروح واجى 

و ادعىّ و فى رضاك راجى 

و رافع بالضراعة الايد 

تقوينى على ذاتى 

على نفسى و ملذاتى 

و عشقك يسرى ف حياتى 

و اكون لك زى ما بتريد

يا ربى العمر بعانى 

وزحمة دنيا واخدانى 

و لما باغوص فى وجدانى 

بالاقى الجنة لسه بعيد

ضعيف .... كما انت خالقنى 

و عشمى فيك بيسبقنى

و مين غيرك يصدقنى

و شايف نفسى بالتحديد

كتير شياطين بتغوينى 

تحلى المعصية ف عينى 

و انا و النقص تكوينى

باتوب و ارجع فى لحظة و اعيد

باخاف منك و من نارك

و احاول اقرا اسرارك 

و باتمسح فى انصارك

و اهل التقوى و التوحيد

فكرهنى فى حقوق الناس 

و فى الالفة اللى بين انجاس 

و ذل الرغبة و الاحساس 

و نار الغل لما تقيد

يا ربى و انت اعلمبى 

انا حبك ملك قلبى 

يا دارى بكل متخبى 

انا عبدك ... سماح ياسيد 

و خد باديا للتوبة 

برحمة تبقى مكتوبة 

و بدل النوبة ميت نوبة 

تونسنى برضا بيزيد

و علمنى اكون راضى 

و قلبى م الحسد فاضى 

و تكتب اسمى يا قاضى 

فى صفحة اهلك المحاميد

و تنصرنى على شطانى 

و على نفسى و عصيانى و

و لا تجعلنى يوم جانى 

و تحشرنى مع المساعيد

‫#‏فهمى_على‬

أعجبني