* بعد الحبيب حراق **بقلمى : فهمي علي

* بعد الحبيب حراق **

يا بكره يا مسافر 

فى العمر و معافر 

اوعى تكون كافر 

بالعشق و العشاق 

دا العشق شئ مكتوب 

مش كيف ما قالو ذنوب 

و ان كان بمش هنتوب 

و هاعيش كدا مشتاق 

هادعى انا ربى 

اللى جعل قلبى 

لهواها بيلبى 

ما يكون ما بينا فراق 

يا بكره خايف ليه 

و عايزنى اقولك ايه 

سرى اللى انا باخفيه 

بعد الحبيب حراق 

البعد ... ناره شين 

تحرق قلوب عاشقين 

ف الليل بيبقى انين 

و نهاره ما ينطاق 

سافر يا بكره و روح 

و ارجع بروح الروح 

داوى عليل مجروح 

م الشوق براحه ضاق 

بقلمى : فهمي علي