باموت فيكى ...فهمي علي
باموت فيكى
و عهد الله باموت فيكى
يا سحرانى اوى عنيكى
يا ساكنة قلبى من جوا
هاشيل من عمرى و اديكى
بحور العشق ... اديها
و موجة بكره اكون فيها
و اخليكى و اخليها
قصايد حب تحكيكى
و عهد الله بامووت فيكى
و امشيلك كتير مسافات
و انسى ف همستك ما فات
و يبقى الجاى كله سكات
فى محراب عشقى انا ليكى
و عهد الله بامووت فيكى
و اشوف بعيونك الايام
و احسك جوا منى سلام
منين ما اصحى لحد ما انام
و فى الاحلام اناديكى
و عهد الله بامووت فيكى
يكون حلمى .. و اقابلك فيه
نعيش الحب ... و ندفيه
و نسمع وحدنا غناويه
تغنينى و اغنيكى
و عهد الله باموت فيكى
يا سحرانى انا عنيكى
فهمي علي
التسميات: شعر غنائى
مرسلة بواسطة فاتن حسين @ مارس 11, 2016
<< الصفحة الرئيسية