(الشمس جالها كسوف )شيماءيوسف

(الشمس جالها كسوف )

الشمس جالها كسوف
من كتر ما بتشوف
فين نهينا عن منكر
وأمرنا بمعروف
ولا السكوت ع الحق
أصبح دوا وموصوف
الظلم أصبح عادة
أصبح كمان مألوف
ليه الطمع ف الدنيا
واحنا عليها ضيوف
في زمنا ليه الذوق
من القاموس محذوف
وأرواح هدر بتروح
كالورد ليه مقطوف
من إرهاب صابه العمى
زي الجراد بيطوف
وحكامنا سلبين
يا أقصانا يا مخطوف
يا كرامتنا يا غالية
متعانه ليه ف رفوف
امتى لينا تعودي
وننسى معاك الخوف
واشمعنا العرب يا زمان
ليهم الهموم بالزوف
يا شمس لاتنكسفي
دا لسه ياما نشوف


شيماءيوسف