قولي لي مرة. الشاعر. هشام علي

قولي لي لو مرة ...

إني بدوب في هواك

وكوني كمان حرة ...

لو عايزة ما تقولي

وأنا من زمان شايفِك

مهتمة بناس غيري

دا حتى يبقى حرام 

..... دمـرتي تفكيري

 

أنا أصلي من مدة

واقف وف الشباك

لإني ... و بستناك

ترمي لي لو نظرة

فيـها كتيـر نبـرة

أفهم فيها العِبرة

وأحس بإني حبيب

و لا يفرح فينا عزولي

يابني الأحبة كتير

و زمان ياما قالوا

وإن كتِرت الأحمال 

تاني كدة و ماله

إن كان يجيك المر

سيبه يروح لبعيد

و م تديهوش إهتمام

ويا دنيا عليه قولي

طـبع الوفـا دا أصـيل 

واضح وشكله جميل

ييجي ف صباح أوفي ليل

ما يلوموا عليه صحابه

إلَّا الخسيس لو طال

لو حبة من الأحمال 

يندب على الشيال

لو شال دهب لولي

يا دنــيا ليــه العتـــب

جاهــز علـى الأبـواب

ليه دايماً ومن غير سبب

نظلم معانا الصحاب

وإن جانا يوم يشتكي

ما يهمه ليه الغضب

ولا حتى كان من غراب

شاهد معاه عزولي

.........................................

المهندسين في ١٦ / ٩ / ٢٠٢٤م 

       " قولي لي لو مرة "

   شــــــعـر : هشــام عـــلي 

.........................................