كلموني عليك. للشاعرة. منى محمد

كلمونى عليك 

طلابك وباحوا

عن صرع الهوى 

ورموشك سلاحه 

ياللى قلبى 

قبل ماتلمس ايديه 

نبض ساكن

صحاه حنانك عليا 

انت أملى 

اللى ابتدى بحبك صباحه

قد ايه من قلب فى حبك راح

من الهوى

اد ايه من عقل راح

ولا شاف فى الدنيا قبلك همسة

ولا نسمة ياحبيبى 

تداوى الجراح

ابتديت دلوقتى بس 

ألاقى عمرى 

ابتديت سهر الليالى

أناجى قمرى

كل صورة رسمتها لك

فى خيالى 

كنت صحوا 

وها قد تاه فكرى

يامنى قلبى 

يا أرق من ذكرياتى 

ياحياتى 

أنت روحى وانت عمرى

الأغانى الحلوة 

والوداد والمحبة 

والأشواق ياحبيبى 

مستنيين حنانك

عيش معايا الحب 

فى كل همسة

ياللى طيور الهوى 

مشتاقة لجنانك 

هات عينيك 

تسبح في بحورهم عينيه

ياهنايا 

لما ايديك تلمس ايديه

يا أرق من الأغانى

يا أغلى من الأمانى 

خدنى لأمانك خدنى 

عن الزمان وابعدنى 

أنا وانت آه

اتنين عاشقين وحدينا 

بلقانا تحلى الدنيا 

ولا أحزان تلاقينا

خاصمتك فيك خلانى 

حاربت بيك الزمن

هجرت فيك أحلامي 

ورضيت بحلو الشجن

كلمونى عينيك 

عن الدمع وسفاحه

فهمونى بكا الطير 

ياحبيبى ونواحه

اللى عيشته 

قبل ماتعطف عليا

وهم قاتل 

وليل طويل يانور عينيا 

بقلم منى محمد