الخير. للشاعر. أسامة عبدالقادر أحمد

الخير 

معاش اللي يذلك 

ونا موجود كضلك 

الدنيا لسه بخير 

واسمح لي عليه أدلك 

لو تحتاج المعاونة 

إيدي معاك مناولة 

تقديم الخير ميحتاجش إعلان 

أو مسابقات 

أو أي ارتباطات 

ومش شرط تكون قرابة 

أو صداقات 

الكلمة الحلوة خير 

الابتسامة الندية خير 

الأخذ بالأيدي خير 

الوقوف صف واحد 

ضد الشر خير 

النظافة والرياضة الجماعية خير 

اللقمة الحلوة مع بعضينا خير 

منع الأذى عن الطريق خير 

النصيحة الصادقة لابن الجيران 

والطبطبة على كتفه خير 

مساعدة أي عطلان في الطريق خير 

مواجهة البلطجية خير 

يمكن ربنا يهديهم 

ويعافي الناس اللي آذوهم 

وده في حد ذاته خير 

الدعاء للنفس وللآخرين خير 

شفتم الخير كتير إزاي 

بس إحنا نهم ونعمله :

"ياأيها الإنسان ماغرك بربك الكريم 

الذي خلقك فسواك فعدلك 

في أي صورة ماشاء ركبك"

شفتم خير ربنا علينا كتير إزاي  

رب الخير لايأتي إلا بالخير ...

أسامه عبد القادر أحمد