صوت الأمل.. للشاعر. عبدالرحمن قريطنة

«»«» صوت الامل«»«»

«»«»«»«»«»«»«»«»«» 

بالقرب مني سامع بودني انين وطن 

قربت منه عرفت انه قاعد بيبكي من زمن 

ولقيت بكاه مدفون في جرح كبير قوي 

تايه في وسط ضجيج واصوات مكن 

مكن الغلابه الشقيانين نازلين 

يعافروا في الشقه 

عشان في اخر النهار يلاقوا 

لقمه محروقه 

يا دوب تكفي ولاد صغار 

مستنيين اللقمه دي 

والشوق ما ليهم يجي يوم 

ويطلعوا م الشرنقه 

واليوم يجر اليوم وراه 

مستنين يوم الفرج 

والظهر محني م الزمن 

وايدين شايفها مشققه 

يلا بقى 

يا فجر هل على ناس حياتهم مطحونين 

ليلهم نهارهم في العرق 

ويقولوا بكره هيجي احلى م اللي فات ننسى الاهااات 

ونشوف وشوش اولادنا  

تضحك يوم بقى 

ونشوف شروق الشمس 

طالعه مشقشقه متزوقه 

ماده ايديها بتوب جديد 

تمسح دموعك يا وطن

ماده اديها بتوب جديد

تمسح دموعك ياوطن

من كلماتي ابن قريطنه 

جمهورية مصر العربية 

«»«» ٧/ ٣/ ٢٠١٦«»«» 

«»«»«»«»«»«»«»«»«»