عليك يا طير ..الشريف صلاح شعبان
الشمس وسط القبه قداحه
الغرب على الشجر نواحه
طيور الحب خرجت سواحه
الغدر بيشرب مية الراحه
واااااه عليك يا طير حلب
الكل عليك جلب وانكلب
ااااااااه عليك ياطير
على جرحك وبلواتك
وكيف تدبل جروحاتك
وتنشف امتى دمعاتك
وامتى تعود جناحاتك
ترفرف فى سمواتك
كبدى عليك ياطير
ابكى والدمع ماهو دمعى
وانزف دم وندم من قلبى
ااااااااااااااااااااااااااااااه عليك يا طير
خفنا كتير ومات منا كتير م الخوف
لا بننطق ولا بنسمع ولا بنشوف
يا بكره اللى جاى تعالى امان
انا فى عرض تعالى راكب الرهوان
تعالى فارس الفرسان
صحينى وخد بايدى
وعدينى لبر الشمس والضحكه
خلينى امد الخطوه ع السكه
يا بكره اللى جاى انا عطشان
انا يا بكره صدقنى انا انسان
كرهت الدمع و كرهت الاحزان
عايز اموت واقف على حيلى
وعهد الله انا قادر لكن صابر
وصبرى دابت حباله ومش قادر
واااااااااااااااااااااه عليك يا طير
نفسى يا بكره اغمض عينى
بس خايف اموت من الخوف
اوعى يا طير الفجر يا محبوب
اوعى تقول دا وعد او مكتوب
دا غدر ونصب وخوف مجهول
الكل اشتغل عليك صياد فناص
لا اصبح لك حامى ولا حراس
مات من القلوب كل احساس
والسلام كلام اتبدل رصاص
اه يا طير اخضر وعيونك سود
وجفونك زى قلبك بيض
مسير الجرح يا مجروح
يشفى ويبرا عن قريب يطيب
وعهد الله انا قادر لكن صابر
وصبرى دابت حباله ومش قادر
واااااااااااااااااااااه عليك يا طير
الشريف صلاح شعبان
1\5\2016
التسميات: شعر وطنى
مرسلة بواسطة فاتن حسين @ أكتوبر 24, 2017
