(خبطتين فى القلب توجع )بقلم الشاعر/رمضان بقشيش

قصيدة عامية بعنوان (خبطتين فى القلب توجع )

خبطتين فى القلب توجع
واللى راح فاكرينه راح
والزمن داوى الجراح
والخيال اللى ما راح
كل ما بيروح بيرجع .
زى طيف لف المداين
والحنين حوليه جناين
مهما غنى دمعه باين
كل أما اناديه بيسمع.
له بيبان مفتوحة عندى
للفرح لما يعدى
أنت ليه ديما تعاندى
خلى طيفك..عنى يرجع
السنين مرت ثوانى
انت ليه رجعالى تانى
من زمان قلبك رمانى
لما شاف القسوة تنفع.
ياللى مافهمتيش كلامى
روحت زودتى فى ألامى
أحبسى دموعك دى عنى
الدموع ماعدتش تشفع.
ينكسر طيفك ..هغنى
اصل دمه معدش دمى
لو حاوطنى او راودنى
او بعدت شويه عنى
حشعر انى معاه غريب
وان نبضه معدش منى
وان حايلنى مش هينفع
واللى راح ماعدش يرجع
خبطتين
فى القلب
توووجع


بقلم الشاعر/رمضان بقشيش