راحت أمي.. الشاعر هشام علي

راحت أمي وراحت 

كل معاني الحب معاها

فرصة وضاعت وأنا وياها

زي الزيبق في محياها 

ضاعت مني في لحظة وغفلة

وأنا إللي كنت رح أعمل حفلة

لما تخف من الأمراض

ضحكوا عليَّ ولا السفلة

أمي راحت طلبها الخالق 

قال لها روحي شوفي الجنة

إنتي تعبتي في كل حياتك

ليكي مكافئة م الجنة عشانك

روحي يأمي وقلبي معاكي

وإتمني لنا نكون ويّاكي

قلبي مسامح و بيتمنى لِك

ترضي علينا في يوم الدين

أمي يا أمي يا أحلى الناس

أنا في جمالِك ما لاقي حد

خفتي علينا عمرنا كله

ضحيتي بكل ليالي السعد

و أمّا طلبِك ربنا عنده

ما سألتيش أبداً ع الوقت

طيرتي بفرحة ولابسة الطرحة

عارفة إن طريقك للمجد

كات أمانيكي يا أمي الجنة

اديكي رايحة لها في أيدِك ورد

أنا فرحان لِك وأنا بقسم لِك

بس الفرقة هي كل الصعب

روحي واتهني هناك على راحتِك

أنا كدة بفرح وإنتي سعيدة

علشان تبقي في حاجة جديدة

وأنا رح احاول عشان اوصل لِك

...١...١...١...١...١...١...١...١...١...

المهندسين في ٢٨ / ٤ / ٢٠٢٤م

             راحت أمي 

      شعر من أعماق فؤادي

             هشام علي

...١...١...١...١...١...١...١...١...١...