أوعديني. الشاعر. هشام علي

إوعديني ولا تخلفي وعدِك

ياللي غلبت في الدنيا من بعدِك

إوعديني وبلاش تلومي ع اللي فات

ما إنتي إللي سببتي الجراح والآهات 

وحسسيني إن كل ما راحت من ساعات

كانت مجرد تجربة وغدر في حياتنا مات

إوعديني إنك رح تتوبي خلاص

وترجعي وترّجعي الماضي إللي كان

ليه نخلّي الدنيا بينّا فيها يوم اسّية

ليه تكون بينّا الحياة ينساها الأمان

عودوني عينيك ع الهجر والأسية 

حسسوني إن الدنيا نسيتنا شوية

وخلاص ما عدش فيها الانسجام 

فوق تعالى دا الظلم يبقى حرام

أنا في إنتظارك ولو م حتى الحب زارك

تعالى تاني بعد الأسية أنا قابل إعتذارك 

حتى ف إنفجارك و لو حتى في إنهيارك

أنا قلبي ليك هوَّ يراضيك ليلك أو نهارك 

بس إوعديني إنّ الهموم عنا تفارق

ولا تيجي من عند حد عنا فارق

دانتي سمّعتي بينا أهل المغارب والمشرق

يا أحلى همسة كانت ف ودني قبل المفارق

.......... .......... .......... ..........

 المهندسين في ١٤ / ١٠ / ٢٠٢٤م 

            " إوعـــــديني "

     شــــــعـر : هشــام عـــلي 

.......... .......... .......... ..........