يوم في الريف. الشاعر. عون أبوجريبيع

(يوم في الريف )

ياغصن تمايل فرحان 

          وهذا عصفور حط عليه 

وفلاح بيعذق أرضه 

          والثاني بينثر تقاويه 

وراعية غنم مسربه بدري 

          وتعال ليوم جديد نحكيه 

هذا بلبل فرحان بيغني 

          وأبوقردان الغيط محليه 

والسوسيبان مايله أغصانه

          علي غدير عارف حكاويه 

ويمامه لقيت حب قمح 

          وحمامه سبقتها عليه 

وثوب جديد كساك ياريف

           مستني الفلاح يجنيه 

وريف ونسايم صبح 

          وجامع بعيد نصلي فيه 

وهاذي بيوت عرب وفلح 

         وجار الجار يخاف عليه 

وهذا راكب عربيه كر 

          وهذا ماشي علي رجليه 

وغراب من بعيد بيذعق 

         وأبوفصاد بيرد عليه 

والعصافير فرحانه بتغني 

          وهذا نخل عالي شواشيه 

 وبنص الغيط شايف بنت 

           في زرع أبوها بتنقيه 

ومكنة ري صوتها بعيد 

          وظل التوت بنقيل فيه 

ويوم جميل بداء بالصبح 

          والريف يامجمل لياليه

وشاعر وورقه وقلم 

         ووحي الشعر نزل عليه 

 ====عون أبوجريبيع=====