عيد العمال. للشاعر. إسحاق قشاقش
(عيد العمال )بحيي الموظف والعامل بالنظافة
وبحيي المعلم وفيه بُنظم قوافي
وبحيي الجندي ومن حرر البلدان
بحيي....كل شخص للحرف وافي
وبحيي...كل من عالحدود سهران
بطقس.....بارد وكل الشعب غافي
وبحيي...لِ عندو كرامة وعنفوان
والطبيب والممرض وللقلب شافي
وبحيي......كل من قاوم العد وان
ولأهل غzة والضفة بقلهن عوافي
وبحيي كل شخص صمد بالميدان
ودعائي....بالنصر بتنطقها شفافي
وبحيي..كل شخص بالفقر غرقان
وبحيي...........لِ عندو قلب دافي
وبحيي....كل لِ الأمانة إلو عنوان
وبحيي كل من عندو قلب صافي
وبحيي........كل شريف عنا بلبنان
وبدعي لربي لفلسطين يعود الأمان
وبرايات.........النصر تتزين كتافي
بقلمي❤️إسحاق قشاقش❤️
التسميات: خاطرة عاميّة
مرسلة بواسطة fattenhseen@gmail.com @ مايو 02, 2025
<< الصفحة الرئيسية