لحن وغنوه.. للشاعر يوسف عطالله

لحن وغنوه 

كلمات / يوسف عطاالله 

انتى لحن جميل فى الحياه

صعب إنى أدور وألقاه

إنتى النغم والشعر وبحوره

إنتى الربيع والقمر ونوره

إنتى الشعاع إلى يملا الحياه

إنتى الحياه

صدقينى لو باغرق

إنتى سفنتى

إنتى رحلتى جوه البحور

إنتى النور

إنتى النور إللى ينور حياتى

إنتى عمرى وكل أمنياتى

إنتى رفيقتى فى مشوار حياتى

إنتى حلم حلمته

تحقيقه مش مستحيل

إنتى العمر والعمر هو إنتى

إنتى مركبى وسفينتى

لفى بيه البحور

ورينى السما والنور

طوفى جوه أحلامك

دا الحب هديه من السما

إوعى ترفضيه

لاتصيبك لعنته

وتفضلى العمر تشتهيه

بس وحياتك

مش هاتلاقيه

لانه كان بين إيدكى

وتركتيه

الحب أمل والحياه

مش بس عمل

الحياه بدون الحب

ماتسوى

والعيشه بدونه

آسوى

وانتى قلبك مش قاسى

داانتى الحنان

وبالحب قلبك مليان

يبقى ليه تخليه

جواكى مكبوت

يبقى ليه السكوت

إصرخى عبرى

عن شعورك

قبل الحب جواكى 

ما يموت

إتركى السكوت

خلى الحب دايما

عنوانك

تقدرى وإنتى فى مكانك

 غمضى عينك وحسينى

هاتلاقينى

ساكن جواكى فى الدفا 

فى مكانى

ماإنتى عنوانى

وقلبك سكنى وترحالى

ماإنتى حالى

وكل أحوالى

إنتى العمر والعمر إنتى

ياساكنه جوه قلبى ومدينتى

إنتى لحن وغنوه

غنيتها من زمان

إنتى المكان

إنتى السكن والدار

زيلى الغبار

لمعى قلبك للحب

من جديد

ياساكنه القلب

والدم والوريد

ياساكنه القلب والدم

والوريد

بقلمى / يوسف عطاالله